کارکردگی کے بل پر 2018ءمیں حکومت بنائیں گے،پرویز خٹک

وزیراعلیٰ خیبرپختونخوا پرویز خان خٹک نے کہا ہے کہ 2018کے انتخابات میں پی ٹی آئی کارکردگی کے بل بوتے پر پورے ملک میں حکومت بنائے گی۔

نوشہرہ میں جلسے سے خطاب میں پرویز خٹک نے کہا کہ عوام اس ملک میں حقیقی تبدیلی چاہتے ہیں،ملک کی باگ ڈور ایماندار قیادت کودینا چاہتے ہیں،تحریک انصاف ہر چور اور لٹیرے سے تلاشی لیکر دم لے گی۔

اس موقع پر ن لیگ کے رہنما محمد ظاہر خان نے خاندان سمیت تحریک انصاف میں شمولیت کا اعلان بھی کیا۔وزیراعلیٰ نے مزید کہا کہ لند ن میں اربوں روپے کے فلیٹس کسی طرح خریدے گئے، نوازشریف اوراس کا خاندان اپنی پوزیشن واضح کریں ۔