وزیراعظم نوازشریف نے دیامر بھاشا ڈیم کے فنانسنگ پلان کی منظوری دے دی ہے اورہدایت کی ہےکہ ڈیم کی تعمیر2017ء کے آخر تک شروع ہوجانی چاہئے ۔
نیا فنانسنگ پلان خود انحصاری کی بنیاد پر بنایاگیاہے، منصوبے کےمالی وسائل سالانہ ترقیاتی پروگرام اور واپڈا کے پیداکردہ وسائل اور بعض موجودہ منصوبوں کی لیزنگ سےحاصل کیے جاسکیں گے۔
وزیراعظم نے وفاقی سیکریٹری پانی وبجلی اور سیکریٹری پلاننگ کو نئے پلان پرعملی اقدامات کی ہدایت کردی ہے تاکہ آئندہ سال کے آخرتک ڈیم کی تعمیرکاکام شروع ہوسکے۔
مشترکہ مفادات کونسل نےبھاشا ڈیم کی تعمیر کی منظوری 2009ء میں دی تھی، جس کی تعمیر سے 4500 میگا واٹ بجلی پیدا ہوگی، ڈیم کی تعمیرکیلئےزمین کےحصول کاکام مکمل کرلیا گیا ہے۔
فرمان الہی
نماز کے اوقات
