چنیوٹ میں ظالم شخص نے بیوی کے روٹھ کر میکے جانے کا بدلہ اپنے پانچ بچوں سے لیااورایک بیٹی سمیت پانچ بچوں کو گلا دبا کر مار دیا اور اپنی زندگی کا بھی خاتمہ کر ڈالا۔ واقعہ نواحی علاقے دلیل والا میں پیش آیا۔
چنیوٹ کے نواحی علاقے دلیل والا کے رہائشی محمد حسین کی بیوی ایک ماہ قبل روٹھ کر میکے چلی گئی تھی ، جس کا بدلہ اس نے بچوں سے لیا اور گلادباکر قتل کردیا،مرنے والوں میں ایک سے چھ سال کے چار بیٹے اور آٹھ سال کی بیٹی شامل ہے،بعد میں محمد حسین نے گلے میں پھندا ڈال کر اپنی زندگی کا بھی خاتمہ کر ڈالا۔
پولیس نے لاشوں کو تحصیل ہیڈکواٹر اسپتال لالیاں منتقل کردیا ہے۔