بھارتی اپوزیشن جماعت کانگریس کا کہنا ہے کہ اگر مہاراشٹرا حکومت مسلم کوٹہ نافذکرنےمیں ناکام رہی تو احتجاجی تحریک کا آغاز کردیں گے۔
کانگریس رہنما اورسابق وزیر محمد عارف خان کا کہنا ہے کہ اگرحکومت سرکاری ملازمتوں اور تعلیمی اداروں میں مسلمانوں کے کوٹے کےفیصلےپر عملدرآمد نہیں کروائے گی تو کانگریس اس کےخلاف احتجاجی تحریک شروع کردے گی ۔
ہائی کورٹ نے سرکاری ملازمتوں اور تعلیمی اداروں میں مسلمانو ں کے 5 فیصداور مراٹھوں کے 16 فیصد کوٹے کا فیصلہ دیاتھا جب کہ مہاراشٹرا کی حکومت مسلمانوں کے سرکاری ملازمتوں میں 5 فیصد کوٹا ختم کرنا چاہتی ہے۔