پاکستان انڈر 19 کرکٹ ٹیم نے یوتھ ایشیا کپ کی تیاریوں کا آغاز کر دیا ہے۔ کھلاڑی اور ٹیم مینجمنٹ انڈر 19 ٹیم کے پہلے ایونٹ میں اچھا تاثر قائم کرنے کے لئے پر امید ہیں۔
پاکستان انڈر 19 کرکٹ ٹیم کا قذافی اسٹیڈیم لاہور میں کیمپ لگایا گیا ہے، اگرچہ یہ مختصر دورانیے کا کیمپ ہے لیکن اس سے پہلے نوجوان کھلاڑی ایک ماہ کے ہائی پرفارمنس کیمپ میں شریک ہو چکے ہیں اس لئے مینجمنٹ ان کھلاڑیوں سے بڑی امید وابستہ کئے ہوئے ہے۔
کھلاڑی بیٹنگ اور بؤلنگ میں خاصے بہتر ہیں۔ کیمپ میں فیلڈنگ اور فٹنس پر زیادہ کام کیا جارہا ہے۔ 2018 میں ہونے والے انڈر 19 ورلڈ کپ کے لیئے ٹیم تشکیل دے دی گئی ہے۔
مینجمنٹ کا کہنا ہے کہ 13 سے 24 دسمبر تک سری لنکا میں ہونے والے یوتھ ایشیا کپ میں یہ پتہ چل جائے گا کہ اس ٹیم میں کتنا دم خم ہے۔