پاکستان میں دہشتگر دی سرحدپار سےہوتی ہے، آئی جی سندھ

آئی جی سندھ نے کہا کہ پاکستان میں دہشت گردی سرحدپار سے ہوتی ہے،روکنے کے لیے بھرپور اقدامات کرنے ہوں گے، جب تک سندھ حکومت چاہے گی عہدے پر رہوں گا۔آئی جی سندھ اے ڈی خواجہ جیم خانہ خیرپور میںمیڈیا سے گفتگو کر رہے تھے۔

آئی جی سندھ کاکہناتھاکہ اندرون سندھ امن و امان کی صورتحال بہتر کر دی ہے۔سندھ کی تاریخ میں پہلی مرتبہ پولیس میں میرٹ پر بھرتیاں کی گئی ہیں ،بھرتی کئے جانے والے پولیس اہلکاروں کو آرمی اسکولوں میں تربیت دے رہے ہیں ۔

ایک سوال کے جواب میں اے ڈی خواجہ کاکہناتھاکہ اُنہیں سندھ حکومت نے تعینات کیاہے،سندھ حکومت جب تک چاہے گی وہ صوبے کے آئی جی پولیس رہیں گے، تبادلے کےحوالے انہیں کوئی علم نہیں ہے۔