مودی نے بھارت کو ’’بنانا ریپبلک‘‘ میں تبدیل کردیا ہے

بھارتی حزب اختلاف نے وزیر اعظم نریندر مودی پر شدید تنقید کرتے ہوئے کہا ہے کہ انہوں نے بھارتی کرنسی پر پابندی لگا کر بھارت کو ایک ’’بنانا ریپبلک‘‘میں تبدیل کردیا  ہے جس کا دارومدار بیرو نی سرمایہ پر ہوتا ہے۔

حزب اختلاف نے اس اقدام پر وزیرا عظم سے معافی مانگنے کا مطالبہ بھی کیا۔

کانگریس رہنماء آنند شرما نے پارلیمنٹ کے باہر میڈیا سے گفتگو کرتے ہوئے کہا کہ ’ہمیں ’بنانا ریپبلک‘ میں تبدیل کردیا گیا ہےجس کی تمام تر ذمے داری وزیر اعظم پر عائد ہوتی ہے‘۔ نریندر مودی کو اپنے اس اقدام پر عوام سے معافی مانگنی چاہیئے۔‘‘

سی پی آئی (ایم) کے جنرل سیکرٹری سیتا رام یشوری کا کہنا ہے کہ’’ٹیلی وژن پر صرف نریندر مودی ہی نظرآتے ہیں، پارلیمنٹ کے غیر موثر ہونے کے ذمے دار وزیرا عظم ہیں‘‘