بھارتی صدر کا طیارہ حادثے سے بال بال بچ گیا

بھارتی صدر پرناب مکھرجی کا طیارہ حادثے کا شکار ہونے سے بال بال بچ گیا۔ پائلٹ طیارے کو نئی دہلی ایئرپورٹ پر اتارنے میں کامیاب ہو گیا۔

بھارتی میڈیا کے مطابق بھارتی صدر تامل نادو کی سابق وزیراعلیٰ آنجہانی جے للیتا کو خراج عقیدت پیش کرنے کیلئےبھارتی ایئرفورس کے طیارے میں چنائی جا رہے تھے کہ ان کے طیارے میں تکنیکی خرابی پیدا ہو گئی جس کےبعد طیارہ ہچکولے کھانے لگا ۔

تاہم پائلٹ نے طیارے کو ایئرپورٹ پر بحفاظت اتار لیا اور بھارتی صدر محفوظ رہے۔