پیپلز پارٹی وسطی پنجاب کے صدر قمر زمان کائرہ کا کہنا ہے کہ چوہدری نثارکی گفتگو سے بلاول یا پیپلزپارٹی کوکوئی فرق نہیں پڑے گا۔
وفاق وزیر داخلہ کی پریس کانفرنس کے حوالےسے اظہار خیال کرتے ہوئے انہوں نے سوال اٹھایا کہ کیا چوہدری نثار پر حالیہ الزامات پیپلز پارٹی نے لگائے ہیں؟
اس سے قبل ماڈل ٹاؤن لاہور آفس میں میڈیا سے گفتگو کرتے ہوئے انہوں نے کہا کہ صوبے میں امن و امان کی صورتحال سندھ اور خیبرپختونخوا کی نسبت کہیں زیادہ خراب ہے۔
قمر زمان کائرہ کا کہنا تھا کہ لاہور میں 7 قسم کی پولیس ہونے کے باوجود ڈکیتیاں زوروں پر ہیں،حکومت کے پاس ابھی وقت ہے کہ ہمارے چاروں مطالبات مان لے۔
انہوں نے یہ بھی کہا کہ عمران خان نے سپریم کورٹ جا کر وقت ضائع کیا، پاناما بل سینیٹ میں پاس ہو گیا ہے، اب قومی اسمبلی سے پاس کرائیں گے،شریف خاندان کی چوری پکڑی گئی ہے اب جان نہیں چھوٹے گی۔