کوئٹہ میں سردی نے دھوم مچانے کے بعد سرد ہواؤں نےکراچی کا رخ کرلیا ۔ شہریوں کو بھی تھا جاڑے کا شدت سے انتظار تھا۔دوسری جانب گرم ملبوسات کے کاروبار سے وابستہ دکاندار گاہکوں کی راہ تک رہے تھے۔
اس مرتبہ خواتین کی دلچسپی رنگا رنگ اور گرما گرم شالوں کی خریداری پر زیادہ ہے۔ دکانداروں نے بھی گاہکوں کو متوجہ کرنے کیلئے اپنی دکانوں میں دیدہ زیب رنگوں کی گرم شالیں‘ چادریں سجا رکھی ہیں ۔
دکانداروں کا کہنا ہے کہ موسم کی تبدیلی کے باعث لوگوں کا گرم ملبوسات کی خریداری میں رجحان بڑھ گیاہے ۔
خریداروں کا کہنا ہے کہ ٹھنڈی ہوا سے بچنے کیلئے گرم ملبوسات خریدنا ضروری ہے۔
مارکیٹ میں جدید اور خوشنما ڈیزائنز کی شالوں کی ورائٹی دستیاب ہے جو خواتین کی خصوصی توجہ کا مرکز ہے ۔ بازار میں کشمیری اور پشمینہ شال کی ڈیمانڈ زیادہ ہے۔
گرم شالیں نہ صرف آپ کو سردی سے بچاتی ہیں بلکہ آپ کی شخصیت میں بھی چار چاند لگا دہتی ہیں۔