مشرقی یورپی ملک ہنگری میں سرحد پر مہاجرین کی آمد کی کوریج کے دوران لاتیں مارنے والی خاتون صحافی کو عدالت نے تین سال قید کی سزا سنا دی ہے۔
ہنگری کے دار الحکومت بڈاپسٹ کی عدالت نے خاتون کیمرہ مین پیٹرا لیزلو کو شامی تارکین وطن کے ساتھ غیر اخلاقی اور نسلی تعصب پر مبنی برتاؤ کے ارتکاب پر جیل کی سزا سنا ئی ہے۔
پیٹرا نے 8 ستمبر 2015 کو ہنگری اور سربیا کی سرحد پر بھاگتے ہوئے تارکین وطن کو لات مار کر اُس وقت گرا دیا تھا جب ہنگری کی پولیس ان شامیوں کا تعاقب کر رہی تھی، جس کے باعث گود میں بچے کو اٹھائے ہوئے ایک شامی پناہ گزین گرکر زخمی ہوگیا تھا۔
مقدمے کے جج نے کہا ہے کہ پیٹرا کے جرم سے سماجی حلقوں میں غم وغصے کا طوفان کھڑا کردیا تھا اور ایسی کوئی دلیل نہیں جس کو وہ اپنی صفائی میں پیش کرسکے، اس سے قبل ہنگری کے نجی ٹی وی چینل این ون ٹی وی نے پیٹرا کی نسلی تعصب کی ویڈیو منظرعام آنے کے بعد ملازمت سے فارغ کردیا تھا۔
فرمان الہی
نماز کے اوقات
