امریکی صدر باراک اوباما نے مریخ پر اپنے دستخط والی تختی بھیجنے پر ناسا کو شکریہ کا پیغام بھیجا ہے،ناسا کی خلائی گاڑی کیوریو سٹی 2012ءمیں مریخ پر گئی تھی۔
اس خلائی مشن کے ذریعے امریکی صدر بارک اوباما، نائب صدر جو بائیڈن، دیگر اہم امریکی شخصیات اور مارس سائنس لیبارٹری کے ممبرز کے دستخطوں پر مشتمل تختی بھی مریخ پر بھیجی گئی تھی۔
گزشتہ روز ناسا نے اس حوالے سے ایک ٹوئٹ جاری کیا تو جواباً صدر اوباما نے ناسا کا شکریہ ادا کرتے ہوئے اسے انتہائی متاثر کن قرار دیا۔