چین نے بھارت کو باہمی تعلقات بہتر بنانے کے لیے بات چیت کی پیش کش کردی، بھارتی اخبار کے مطابق چین کی پیشکش کا جائزہ لیا جارہا ہے۔
بھارت میں چینی سفیر لاؤ ژوہی نے ممبئی یونیورسٹی میں خطاب میںکہا کہ چین اور بھارت کو دوستی اور تعاون کے معاہدے، آزادانہ تجارت اور سرحدی تنازعات کے حل کے لیے مذاکرات کرنے چاہئیں اور چین کے ون بیلٹ ون روڈ منصوبے پر بھی اشتراک عمل کرنا چاہیے۔
بھارتی اخبار کا کہنا ہے کہ بھارتی حکومت چین کی تازہ پیش کش کا باریک بینی سے جائزہ لے رہی ہے، جس کے بعد چین کو جواب دیا جائے گا۔