نت نئے الیکٹرونک آلات ، الیکٹرونک فضلہ میں مسلسل اضافہ

نت نئے الیکٹرونک آلات نے جہاں انسانوں کو سہولتیں فراہم کی ہیں وہیں ماحول پر بھی ان کے خطرناک اثرات مرتب ہورہے ہیں ۔اس کی ایک مثال الیکٹرونک فضلہ ہے جس کی مقدار میں مسلسل اضافہ ہورہا ہے ۔

یونائیٹڈ نیشنز یونی ورسٹی کی رپورٹ کے مطابق ایشیا میں الیکٹروک فضلے کی مقدار گذشتہ پانچ سال میں بڑھ کر تریسٹھ فی صد تک پہنچ گئی ہے ۔

کروڑوں لوگ اسمارٹ فون اور دیگر الیکٹرونک آلات خریدتے ہیں جبکہ پرانے اور ناکارہ آلات کی ری سائیکلنگ یا انہیں ٹھکانے لگانے کا موثر انتظام نہیں ہے ، رپورٹ میں ایشیائی ممالک سے کہا گیا ہے کہ الیکٹروک آلات کی ری سائیکلنگ اور انہیں ٹھکانے لگانے کے نظام میں بہتری لانا ضروری ہے ۔