فیصل آباد میں شادی والے گھر میں چار افراد پر اسرار موت کا شکار ہو گئے، پولیس نے تحقیقات شروع کردی ہیں۔
پولیس کے مطابق سمندری کے چک 464 گ ب میں پولیس کانسٹیبل آصف کی شادی تھی، گزشتہ روز بارات واپس آنے کے بعد 15 سالہ شہہ بالا زبیر، 14 سالہ احمد علی، 18 سالہ وسیم اور مووی میکر 22 سالہ عثمان گھر کی بیٹھک میں سوگئے، صبح چاروں نوجوان مردہ حالت میں پائے گئے۔
اطلاع ملنے پر پولیس نے موقع پر پہنچ کر لاشیں تحویل میں لے کر پوسٹ مارٹم کیلئے سول اسپتال سمندری منتقل کر دیں ۔
چاروں افراد کی ہلاکت میں زہریلی شراب کا شبہ ظاہر کیا جارہا تاہم پولیس کا کہنا ہے کہ جائے وقوعہ سے ایسے شواہد نہیں ملے جس سے موت کی وجہ شراب کو قرار دیا جا سکے تاہم پوسٹ مارٹم رپورٹ کے بعد ہی حقیقت واضح ہو سکے گی۔
فرمان الہی
نماز کے اوقات
