وزیراعظم میاں محمد نواز شریف نے بھارتی فلموں کی پاکستان میں نمائش کی کلیئرنس کیلئے خصوصی کمیٹی قائم کر دی،کمیٹی کے قیام کا نوٹیفکیشن وزیراعظم سیکرٹریٹ نے جاری کیا۔
ذرائع کے مطابق وزیر مملکت برائے اطلاعات مریم اورنگزیب کمیٹی کی کنوینر ہوں گی جبکہ سیکریٹری کامرس عظمت رانجھا کمیٹی کے سیکریٹری کے طور پر کام کریں گے۔
مشیر وزیراعظم عرفان صدیقی، فلم سینسر بورڈ کے چیئرمین مبشر حسن اور حساس ادارے کا نمائندہ شامل ہوں گے، کمیٹی بھارتی فلموں کی پاکستان میں نمائش کیلئے کلیئرنس کر سکے گی۔