پاکستان میں باہر سے سرمایہ کاری آرہی ہے: وزیراعظم

وزیراعظم نوازشریف کا کہنا ہے کہ پاکستان میں معیشت دن بدن بہتر ہورہی ہے، امن و امان کی وجہ سے غیر ملکی سرمایہ کاری آرہی ہے۔

ڈیووس میں ورلڈ اکنامک فورم کے دوران ’جیو نیوز‘ سے گفتگو کرتے ہوئے وزیراعظم نے کہا کہ بے روز گاری میں کمی آرہی ہے اور دنیا کا پاکستان پر اعتماد بڑھ رہا ہے ۔

انہوں نے کہا کہ ہم توانائی معاشی اور سماجی مسائل سے نمٹ رہے ہیں،ہم ادارے بنارہے ہیں، دنیا پاکستان کا رخ کرے گی،معاشی ترقی کے سبب پاکستان میں بے روزگاری کم ہوئی ہے ۔

وزیراعظم نوازشریف کا یہ بھی کہنا تھا کہ سڑکوں کا جال بچھنے سے فاصلےکم ہو رہے ہیں، اب بذریعہ سڑک سفر کر کے ناشتہ گوادر میں اور دوپہر کا کھانا کوئٹہ میں کھایا جاسکتا ہے۔