کشمور میں کچے کے علاقے گھبلو میں پولیس کا ڈاکوؤں کیخلاف تیسرے روز بھی آپریشن جاری ہے،پولیس نے ڈاکوؤں کے متعدد ٹھکانوں کو آگ لگادی ہے۔
ایس ایس پی فدا حسین جانوری کے مطابق گھبلو میں ڈاکو علی سبزئی اور اس کے ساتھیوں کا پولیس سے مقابلہ گزشتہ تین روز سے جاری ہے،پولیس اور ڈاکوؤں کے درمیان وقفے وقفے سے فائرنگ ہورہی ہے جبکہ پولیس نے متعدد ٹھکانوں کو آگ لگادی ہے۔
آپریشن میں 200 پولیس اہلکار اور 100 پولیس کمانڈوز نے حصہ لیا ہے۔گزشتہ روز پولیس نےیرغمال بنائے گئے چار اہلکاروں کو بازیاب کیا تھا ۔
آپریشن میں اب تک ایک پولیس اہلکار شہید اور 4 اہلکار زخمی ہوچکے ہیں۔