برطانوی محکمہ موسمیات نے خبردار کیا ہے کہ اس ہفتے ملک بھر میں سردی کی شدت میں اضافہ ہوگا جبکہ دھند کے باعث سفر میں مشکلات کا سامنا کرنا پڑے گا۔
محکمہ موسمیات نے خبردار کیا ہے کہ پیر اور منگل کے روز سردی کی شدت میں اضافہ ہوسکتا ہے اور درجہ حرارت نقطہ انجماد سے بھی نیچے جاسکتا ہے ۔
محکمے کا کہنا ہے کہ اس ہفتے کے دوران ملک بھر میں دھند کی لہر برقرار رہے گی جس کے باعث مسافروں کو دشواریوں کا سامنا کرنا پڑے گا جبکہ لندن سمیت تمام بڑے شہروں میں فلائٹس آپریشن متاثر ہونے کا خدشہ بھی ہے اور ہائی ویز پر سفر کرنے والوں کو دھند کے باعث مشکلات کا سامنا کرنا پڑے گا ۔