ٹیسٹ کپتان مصباح الحق بیٹنگ فارم کی بحالی کے لیے لاہور میں کلب کرکٹ کھیلیں گے ۔
مصباح الحق نیوزی لینڈ اور آسٹریلیا میں توقعات کے مطابق بیٹنگ فارم کا مظاہرہ نہ کر سکے ۔انہیں بیٹنگ فارم کی اتنی فکر مندی لاحق ہوئی کہ انہوں نے اپنی فرنچائز کے کیمپ میں شرکت کی بجائے کلب کرکٹ کھیلنے کا فیصلہ کیا ہے تاکہ میچ پریکٹس کے ساتھ اپنی فارم واپس لا سکیں ۔
ذرائع کا کہنا ہے کہ مصباح الحق پی ایس ایل کے دوران ہی اپنے مستقبل کا فیصلہ کریں گے ۔
ذرائع کے مطابق اگر کھیل پر ان کا فوکس رہا اور بھرپور فارم میں واپس آگئے اور ان کی فرنچائز بھی عمدہ کھیل گئی تو مصباح الحق اپنا کیریئر ایک سیریز کے لیے آگے بڑھا سکتے ہیں ورنہ وہ پی ایس ایل کے دوران ہی کرکٹ سے الگ ہو جائیں گے ۔