کوئی علاقہ ایسا نہیں جہاں مسائل کا انبار نہ ہو، مصطفیٰ کمال

پاک سرزمین پارٹی کے سربراہ مصطفیٰ کمال کا کہنا ہے کہ کراچی کا کوئی علاقہ ایسا نہیں ہے جہاں مسائل کا انبار نہ ہو،کیابچوں کو خوراک اور ادویات کی کمی سے مرنے دیں؟

سربراہ پاک سرزمین پارٹی نے کراچی کے علاقے اورنگی ٹاؤن کا دورہ کیا اس موقع پر میڈیا سے گفتگو کرتے ہوئے انہوں نے مزید کہا کہ میں نے اپنے حصے کی اینٹ نکال کر لوگوں کو سب سچ بتا دیا۔

مصطفیٰ کمال کا مزید کہنا تھا کہ اپنے ہاتھوں سے شہر پر 300 ارب روپے خرچ کیے ہیں، موقع ملا لیکن عوام کی امانت میں خیانت نہیں کی، ہمارے حالات بدلنے کیلئے آسمان سے فرشتے نہیں اتریں گے۔

انہوں نے یہ بھی کہا کہ 70 سالوں کی تاریخ میں کسی جماعت نے اتنی پذیرائی حاصل نہیں کی، 10ماہ میں دنیا بھر میں پی ایس پی کا سیٹ اپ موجود ہے۔