حیدرآباد میں لطیف آباد کے علاقے کوہسار میں قائم سرکاری اسپتال 13سال بعد اب مریضوں کو آپریشن کی سہولت فراہم کرے گا۔
سو بستروں پرسرکاری اسپتال کوہسارکو 2004 میں بنایا گیا تھا،اسپتال میں اب تک مریضوں کو آپریشن کی سہولت میسر نہیں تھی جس کی وجہ سے مریضوں کو سول اسپتال حیدرآباد، ایل ایم سی جامشورو یا دیگر پرائیوٹ اسپتالوں میں جانا پڑتا تھا ۔
13 سال کے طویل عرصے کے بعد اب اسپتال میں مریضوں کے آپریشن کا سلسلہ شروع ہوگیا ہے، رکن سندھ اسمبلی صابر قائم خانی نے آپریشن تھیٹر کا افتتاح کیا ،اب اسپتال میں جنرل سرجری ،گائناکالوجی کے علاوہ ہر قسم کے آپریشن کیے جائیں گے ۔