بھارتی نوجوان کو محبت کاجنون حوالات لے گیا

یوں تو دنیا بھر میں کئی نوجوان اپنی محبوبہ کو متاثر کرنے کے نت نئے اور انوکھے انداز اپناتے ہیں لیکن بھارت میں ایک منچلے نوجوان کو محبت کا جنون اتنا مہنگا پڑ گیا کہ اسے جیل کی ہوا کھانی پڑ گئی۔

بھار ت میں نوجوان نے اپنی محبوبہ کو حیران کرنے کیلئے اپنی گاڑی کو 2 ہزار بھارتی نوٹوں سے سجایا مگر یہ طریقہ عوام اور پولیس کو پسند نہ آیا اور انہوں نے نوجوان کو جیل پہنچا دیا۔

ممبئی میں ایک شخص نے اپنی محبوبہ کو حیران کرنے کا منصوبہ بنایا اور اپنی گاڑی کو 2 ہزار کےسیکڑوں نوٹ اپنی گاڑی پر چسپاں کر کے اپنی گاڑی جب سڑک پر لایا تو لوگ دیکھ کر ہکا بکا رہ گئے اور اس فعل کو مشکوک جان کر پولیس کو خبر کر دی ۔

اس کے بعد پولیس نے گاڑی سمیت اس شخص کوپکڑ لیا اور مزید تفتیش کی غرض سے لے جا کر حوالات میں بند کر دیا۔