دشمن ایجنسیاں علاقائی امن سے کھیلنا بند کریں، آرمی چیف

آرمی چیف جنرل قمر جاوید باوجوہ کا کہنا ہے کہ دشمن ایجنسیاں علاقائی امن سے کھیلنا بند کریں، موجودہ تحمل کی پالیسی کے باوجود جواب دے سکتے ہیں۔

آرمی چیف جنرل قمر جاوید باجوہ نے باجوڑ اور مہمند ایجنسی کا دورہ کیا، اس موقع پر خطاب کرتے ہوئے انہوں نے مزید کہا کہ دہشت گرد افغانستان میں محفوظ پناہ گاہوں میں دوبارہ منظم ہونے کی کوشش کررہے ہیں۔

انہوں نے یہ بھی کہا کہ ان دہشت گرد وں کی کوشش ہے کہ ہمارے معاشرے میں شکوک اور مایوسی پیدا کی جائے،ہم سب اجتماعی طور پر ان کوششوں کو ناکام بنادیں گے۔

آرمی چیف کا کہنا تھا کہ اپنی سرزمین دوسرے ملک کے خلاف استعمال نہ ہونےدینےکی کوششیں جاری رکھیں گے، دوسروں سےبھی توقع کرتےہیں وہ اپنی سرزمین ہمارےخلاف استعمال نہ ہونےدیں۔