پشاور اور کوئٹہ کا میچ بارش کے باعث ختم، ایک ایک پوائنٹ ایوارڈ

پاکستان سپر لیگ میں پشاور زلمی اور کوئٹہ گلیڈی ایٹرز کے درمیان آج کھیلا جانے والا میچ بارش کے باعث بغیر کسی نتیجے کے ختم ہوگیا اور امپائرز نے دونوں ٹیموں کو ایک ایک پوائنٹ دیکر میچ ختم کرنے کا اعلان کردیا۔

شارجہ کرکٹ اسٹیڈیم میں کھیلے جانے والے اس میچ میںکوئٹہ نے ٹاس جیت کر پہلے فیلڈنگ کا فیصلہ کیا، اور پشاور کی ٹیم نے اپنی پہلی اننگز میں جو کہ بارش کی وجہ سے پہلے ہی سولہ اوورز تک محدود کی گئی تھی ، تین وکٹوں کے نقصان پر 117رنز بنائے تھے اس طرح کوئٹہ کو جیت کے لیے 118کا ہدف ملا تھا۔

تاہم مسلسل بارش کے باعث کوئٹہ کی اننگز شروع نہ ہوسکی جس کے بعد امپائروں نے میچ ختم کرنے کااعلان کرتے ہوئے دونوں ٹیموں کو ایک ایک پوائنٹ دینے کا فیصلہ کیا۔