پاکستان سپر لیگ کے آج کھیلے جانے والے دوسرے میچ میں اسلام آبادیونائیٹڈ کی ٹیم نے کراچی کنگز کو جیت کے لیے 91رنز کا ہدف دیا ہے۔
اس سے قبل شارجہ کرکٹ اسٹیڈیم میں کھیلے جانے والے اس میچ میں کراچی نے ٹاس جیت کر اسلام آباد کو پہلے بیٹنگ کی دعوت دی ، جس پر اسلام آباد نے تیرہ اوورز تک محدود کیے گئے میچ میں آٹھ وکٹیں کھوکر 90رنز کا مجموعہ ترتیب دیا ۔
ڈیوائن اسمتھ 29، شین واٹسن 26جبکہ مصباح الحق 16 رنز کے ساتھ قابل ذکر بیٹسمین رہے۔ کراچی کی جانب سے عماد وسیم اور عثما ن میر نے دو دو جبکہ عثما ن خان نے ایک وکٹ اپنے نام کی۔
یاد رہے کہ مسلسل بارش کی وجہ سے پہلے تو میچ ایک گھنٹے تاخیر سے شروع ہوا جبکہ درمیان میں پھر ایک بار میچ کو روکا گیا جس کی وجہ سے میچ کو تیرہ ،تیرہ اوورز تک محدود کیا گیا۔
فرمان الہی
نماز کے اوقات
