کراچی کے علاقے صدر میں پریڈی پولیس اسٹیشن کے قریب پڑا مشکوک بیگ بم ڈسپوزل اسکواڈ نے چیک کرنے کے بعد کلیئر قرار دے دیا۔
بم ڈسپوزل اسکواڈ کے مطابق نیلے رنگ کے مذکورہ مشکوک بیگ میں سے کاغذات نکلے ہیں۔
واضح رہے کہ پریڈی تھانے کی حدود میں واقع رتن تلاؤ کی ایک زیر تعمیر عمارت سے مشتبہ بیگ ملا تھا جس کے بارے میں لوگوں کا کہنا تھا کہ اس میں بم ہے۔
اطلاع ملنے کے بعد بم ڈسپوزل اسکواڈ کا عملہ پہنچا جس نے بیگ کو چیک کیا ، جبکہ پولیس نے پہنچ کر عمارت کو اپنے گھیرے میں لے لیا تھا۔