آئی جی ایف سی بلوچستان میجر جنرل ندیم انجم کا کہنا ہے کہ بھارت پاکستان میں دہشت گردی کےلیے افغانستان کی سرزمین استعمال کر رہا ہے۔
چمن میں قبائلی جرگے سے خطاب میں آئی جی ایف سی میجر جنرل ندیم انجم نے کہا کہ افغانستان کے ساتھ اچھے تعلقات کے خواہاں ہیں مگر بھارت افغانستان کوپاکستان دشمنی کےلیے استعمال اور پاک افغان عوام میں دوریاں پیدا کررہا ہے۔
ان کا کہنا تھا کہ پاک افغان سرحد کی بندش قبائلی عوام کے جذبات کا اظہار ہے، سرحد کو دوبارہ کھولنے سے متعلق وفاقی حکومت ہی فیصلہ کرے گی۔
اس سے پہلے آئی جی ایف سی نے باب دوستی کا دورہ کیا جہاں انہیں سرحد کی صورت حال پر بریفنگ دی گئی۔