سینائی سے اسرائیلی کالونی پر راکٹ حملہ

اسرائیلی ذرائع ابلاغ کے مطابق مصر کے جزیرہ نما سینائی سے گذشتہ روز مقبوضہ فلسطین کے سنہ 1948ء میں قائم اسرائیلی‘اشکول‘ کالونی پر دو راکٹ داغے گئے، تاہم ان حملوں میں کسی جانی نقصان کی اطلاع نہیں ملی۔

عبرانی نیوز ویب پورٹل ’4040‘ کی رپورٹ کے مطابق مصر کےجزیرہ نما سینائیسے دو راکٹ داغے گئے جو اشکول کالونی میں ایک کھلے علاقے میں گرے ہیں، جس کے نتیجے میں متعدد عمارتوں کونقصان پہنچا ، تاہم کوئی جانی نقصان نہیں ہوا۔

عبرانی نیوز ویب پورٹل کے مطابق راکٹ حملوں کے بعد اسرائیلی فوج کی طرف سے خطرے کے سائرن بجائے گئے جس کے بعد یہودی آباد کار محفوظ پناہ گاہوں میں چلے گئے تھے۔ ذرائع کا کہنا ہے کہ جزیرہ نما سینائی سے یہ راکٹ حملے اتوار کی شام جزیرے میں اسرائیلی فوج کے ایک فضائی حملے کا رد عمل ہوسکتا ہے۔