خیبرایجنسی کے علاقے راجگال میں پاک فضائیہ کی کارروائی میں دہشت گردوں کے ٹھکانوں پر بمباری کی گئی جس کے نتیجے میں 5 دہشت گرد ہلاک اورٹھکانے تباہ کردیے گئے ۔
آئی ایس پی آر کے مطابق خیبرایجنسی کی وادی تیراہ کے علاقےراجگال میںرات گئے دہشت گردوں کےٹھکانوں پر پاک فضا ئیہ کےجیٹ طیاروں سے کی گئی بمباری میں 5 دہشت گرد ہلاک اور متعدد زخمی ہوگئے۔بمباری میں3 ٹھکانے بھی تباہ کیے گئے۔
کارروائی افغانستان سے ملحقہ علاقوں میں کی گئی۔ ہلاک دہشت گردوں کا تعلق کالعدم لشکر اسلام اورداعش سے ہے۔