جنوبی افریقہ کی ایک عدالت نے بین الاقوامی فوجداری عدالت کو چھوڑنے کے حکومتی منصوبے کا راستہ روک لیا ہے۔
جنوبی افریقہ کی طرف سے گزشتہ برس اکتوبر میں کہا گیا تھا کہ اس نے آئی سی سی کو چھوڑنے کے لیے اقوام متحدہ سے باقاعدہ درخواست کر دی ہے۔ جنوبی افریقہ نے یہ فیصلہ سوڈان کے صدر عمر البشیر کے دورہ جنوبی افریقہ کے موقع پر پیدا ہونے والے تنازع بعدکیا تھا۔
آئی سی سی نے عمر البشیر کے خلاف جنگی جرائم کے الزامات میں وارنٹ گرفتاری جاری کیے ہوئے ہیں، تاہم جنوبی افریقہ کی حکومت نے یہ کہتے ہوئے سوڈانی صدر کو گرفتار کرنے سے انکار کر دیا تھا کہ بطور سربراہ ریاست انہیں استثنیٰ حاصل ہے۔
شمالی گاؤٹینگ کی عدالت نے صدر اور وزراء کو حکم دیا ہے کہ وہ آئی سی سی کو چھوڑنے کا نوٹس فی الفور واپس لیں۔