ترک فوج نے خواتین اہلکاروں کے حجاب پہننے پر عائد پابندی اٹھالی ہے۔واضح رہے کہ یہ پابندی موجودہ عہد سے قبل سیکولر ترک حکمرانوں کے دورمیں عائد کی گئی تھی۔
ترک وزارت دفاع سے جاری احکامات کے مطابق جنرل اسٹاف اینڈ کمانڈ کے ہیڈ کوارٹرز اور متعلقہ جگہوں پر کام کرنے والی خواتین اہلکار اپنی کیپ کے نیچے یونیفارم کے رنگ کا ہیڈ اسکارف پہن سکتی ہیں۔
تاہم دوران ڈیوٹی خواتین اہلکاروں کو چہرہ ڈھانپنے کی اجازت نہیں ہوگی، ترک حکومت پولیس، حکومتی اداروں، یونیورسٹی اور اسکولوں میں سے بھی خواتین کے حجاب پہننے پر سے پابندی ہٹا چکی ہے۔