دلوں پر راج کرنے والی شہزادی کی یادیں ایک بار پھر تازہ ہو گئیں،برطانیہ کے کینسنگٹن پیلس میں ڈیانا کے یادگار اور شاندارملبوسات کی نمائش جاری ہے۔
دلکش اور حسین شہزادی ڈیانا کا چہرہ بھلائے نہیں بھولتا۔ان کی یادگار تصاویر دیکھ کر ایسا لگتا ہے کہ شہزادی اب بھی زندہ ہے۔برطانیہ کے کینسنگٹن پیلس میں بھی کچھ ایسا ہی سماں ہے۔ شہزادی ڈیانا کے یادگار اور شاندارپچیس ملبوسات نمائش کے لئے رکھے گئے ہیں ۔ ایسا لگتا ہے شہزادی اپنے لئے لباس منتخب کرنے بس ابھی آنے ہی والی ہیں ۔
’ڈیانا کے فیشن کی کہانی ‘کے عنوان سے سجی اس نمائش میں شہزادی کے 1985میں اٹلی کے شاہی دورے کے موقع پر زیب تن کیے گئےڈریسس سمیت کئی اہم مواقع پر استعمال کیے جانے والے ملبوسات بھی شامل ہیں۔
فرمان الہی
نماز کے اوقات
