اسٹیٹ بینک نے کنزیومر آئٹم کی درآمد کے لیے سو فیصد کیش مارجن کی پابندی عائد کردی،موٹر سائیکلیں، گاڑیاں، موبائل، میک اپ کا سامان درآمد کرنے والوں کو سو فیصد مارجن جمع کرانا ہوگا ۔
اسٹیٹ بینک کے مطابق کنزیومر آئٹم کی درآمد کے لیے سو فیصد کیش مارجن عائد کرنے کا مقصد ان مصنوعات کی درآمد کی حوصلہ شکنی کرنا ہے۔
اسٹیٹ بینک کے مطابق موٹر سائیکل، گاڑیوں، موبائل فون، سگریٹ، میک اپ کے سامان اور گھریلو برقی آلات کی درآمد کے لیے اب سو فیصد کیش مارجن جمع کرانے کی پابندی ہوگی۔
درآمد کنندگان کو ایل سی کھلواتے ہوئے درآمدی سامان کی مالیت کا سو فیصد کیش جمع کرانا ہوگا۔