ایک بین الاقوامی جریدے نے انکشاف کیا ہے کہ جرمن خفیہ ایجنسی بی این ڈی نے کئی برس تک دنیا بھر میں غیر ملکی صحافیوں کی جاسوسی کی تھی، ان صحافیوں میں بی بی سی، رائٹرز اور نیویارک ٹائمز کے صحافی بھی شامل ہیں۔
بیلجیئم کے ایک صحافی چوالیس سالہ ارنود زاتمان بیس سال سے افریقا سے رپورٹنگ کر رہے ہیں۔ وہ دس سال تک کانگو کے دارالحکومت کنشاسا میں مقیم رہے جہاں وہ پہلے بی بی سی اور پھر فرانس ٹونٹی فور سے منسلک رہے۔
کانگو میں دو ہزار چھ میں پہلے آزادانہ انتخابات ہوئے تو جرمن خفیہ ایجنسی بی این ڈی نے زاتمان کے فون نمبر ٹیپ کیے۔ جریدے اسپیگل کے مطابق جرمن خفیہ ایجنسی نے انیس سو ننانوے کے بعد صحافیوں کے پچاس نمبروں کی جاسوسی کی۔