پیپلزپارٹی کے وفد کی اسفندیار ولی سے ملاقات

عوامی نیشنل پارٹی کے سربراہ اسفند یار ولی نے کہا ہے کہ قومی ایشوز پر سیاسی جماعتوں کی مشاورت کے حق میں ہوں، اسی لیے پیپلزپارٹی کی جانب سے بلائی جانے والی آل پارٹیز میں شرکت ضرور کروں گا۔

چارسدہ میں اے این پی کے سربراہ اسفندیار ولی سے ملاقات میں پیپلزپارٹی کے رہنما نیئر بخاری کی قیادت میں وفد نےفوجی عدالتوں کی توسیع اور قومی مسئلے پر آل پارٹیز کانفرنس میں شرکت کی دعوت دی۔

اسفند یار ولی نے یہ بھی کہا کہ وہ اے پی سی میں پختونوں کے ساتھ پنجاب میں نامناسب سلوک کا مسئلہ بھی زیر بحث لائیں گے۔