وزیراعلیٰ سندھ نے اربن اسپتال کا افتتاح کردیا

وزیراعلیٰ سندھ مراد علی شاہ نے کراچی کے علاقے آسو گوٹھ میں 36 بستروں پر مشتمل اربن اسپتال کا افتتاح کردیا۔

اسپتال کے افتتاح کے بعد میڈیا سے گفتگو میں وزیراعلیٰ سندھ نے کہا کہ 20 سال پہلے جس منصوبے کا سنگ بنیاد رکھا تھا آج اس کا افتتاح کیاہے۔

انہوں نے مزید کہا کہ اسپتال کیلئے فنڈز کا مسئلہ نہیں ہوگا جلد تمام مسائل حل کیے جائیں گے، 36 بستروں پر مشتمل اربن اسپتال 4 کروڑ 80 لاکھ روپے کی لاگت سے تعمیرکیا گیا ہے۔

وزیر اعلیٰ سندھ کا کہناتھاکہ صوبے میں اور بھی منصوبے ہیں جنہیں مکمل کیا جائے گا،ملیر کو پانی فراہم کرنے کےلیے واٹر بورڈ ڈویژن قائم کردیا ہے۔