پاکستان تحریک انصاف کے چیئرمین عمران خان کا کہنا ہے کہ اگلی پاکستان سپر لیگ پاکستان میں کرائیں گے، جو تحریک انصاف کی حکومت میں ہوگی۔
اسلام آباد میں انصاف سپر لیگ کی تقسیم انعامات کی تقریب سے خطاب میں عمران خان نے مزید کہا کہ ہم باہر سے کوالٹی کرکٹر بلائیں گے کسی ریلو کٹے کو نہیں۔
چیئرمین پی ٹی آئی کا کہنا تھا کہ خیبر پختونخوا میں اسپورٹس کے 70 گراؤنڈز بناچکے ہیں، گراؤنڈز ہوں گے تو نوجوانوں کو کھیلنے کی جگہ ملے گی۔
تقریب میں اس وقت بدمزگی پھیل گئی جب تحریک انصاف کے کارکنوں نے عمران خان تک پہنچنے کی کوشش کی، جس پر ان کا سیکورٹی عملے سے تلخ جملوں کا تبادلہ ہوا۔