اسپاٹ فکسنگ تحقیقات میں پی سی بی اور ایف آئی اے آمنے سامنے | Daily Jang News
| |
Home Page
اتوار 29 رمضان المبارک 1438ھ 25 جون 2017ء
March 21, 2017 | 03:52 am
اسپاٹ فکسنگ تحقیقات میں پی سی بی اور ایف آئی اے آمنے سامنے

Spot Fixing Probe Pcb And The Fia Face

Spot Fixing Probe Pcb And The Fia Face
پاکستان سپر لیگ اسپاٹ فکسنگ اسکینڈل کی تحقیقات پر ایف آئی اے اور پاکستان کرکٹ بورڈ آمنے سامنے آ گئے۔

وزارت داخلہ ذرائع کہتے ہیں پی سی بی تعاون نہیں کر رہا،کھلاڑیوں کے موبائل فونز اب تک نہیں دیئے گئے ۔

پی ایس ایل کے چیئر مین نجم سیٹھی کہتے ہیں ہم نے ایف آئی اے سے موبائل فون ڈیٹا کی تصدیق کو کہا تھا ، تحقیقات کو نہیں۔ انکوائری پی سی بی کو کرنے دیں یہ ہمارا کام ہے ہم تحقیقات کے بعد سارا ڈیٹا ایف آئی اے کو دیں گے۔پھر وہ چاہیں تو سزا دیں ۔

پی ایس ایل میں اسپاٹ فکسنگ کے اہم معاملے میںملک کے دو بڑے ادارے آمنے سامنے آگئے۔

اسپاٹ فکسنگ کیس میں پی سی بی کی جانب سے ایف آئی اے سے تعاون کی درخواست پر ایف آئی اے حرکت میں آئی،پانچوں کھلاڑیوں کے نام بھی ای سی ایل میں ڈال دیے گئے۔تاہم اب پی سی بی اب چاہتا ہے کہ ایف آئی اے تحقیقات روک دے۔

ایف آئی اے کا کہنا ہے اسے پانچوں کھلاڑیوں کے موبائل فونز فراہم کیے جائیں جو بعد میں ثبوت کے طور پر پیش کیے جاسکیں۔اس سلسلے میں ایف آئی اے کی تین رکنی ٹیم بھی تشکیل دے دی گئی ہے۔

تاہم چیئرمین پی ایس ایل نجم سیٹھی کا کہنا ہے ایف آئی اے پی سی بی کو اپنی تحقیقات پوری کرنے دے۔اس کے بعد تمام ڈیٹا تحقیقات کے لیے ایف آئی اے کے حوالے کردیا جائے گا۔

دوسری جانب پی سی بی کے چیف آپریٹنگ آفیسر سبحان احمد کا کہنا ہے ایف آئی اے سے صرف موبائل ڈیٹا کی تصدیق کا کہا گیا تھا،کھلاڑیوںکے رویے پر کوئی شکایت نہیں کی گئی۔

جبکہ ایف آئی اے کا کہنا ہے کہ ایجنسی نے کارروائی پی سی بی کے چیف آپریٹنگ آفیسر سبحان احمد ہی کی درخواست پر شروع کی ہے۔