شمالی کوریا کے بارے میں صبر کی پالیسی ختم ہو چکی ،امریکا

وائٹ ہائوس کے ترجمان نے کہا ہےکہ حال ہی میں امریکی وزیر خارجہ ریکس ٹیلرسن کے چین کے دورہ کا مقصد یہ تھا کہ شمالی کوریا کے ساتھ اسٹراٹیجک معاملات پر گفتگو کی جاسکے اور چین کو باور کرایا جائے کہ اب امریکا کی صبر کی پالیسی ختم ہو چکی ہے۔

غیر ملکی ذرائع ابلاغ کے مطابق وائٹ ہائوس کے ترجمان سین اسپائسر نے یہ ردعمل اس وقت ظاہر کیاجب شمالی کوریا کی طرف سے حال ہی میں کئے گئے راکٹ کے انجن کے ٹیسٹ پر ٹیلرسن کے رد عمل کے بارے میں پوچھا گیا تھا۔

امریکی وزیرخارجہ ٹیلرسن اپنے ایشیا کے پہلے دورہ کے پیش نظر چین بھی گئے تھے ، جہاں انھوں نے شمالی کوریا کے جوہری اور میزائل پروگرام پر اپنی تشویش کا اظہار کیا تھا۔