پاکستان کرکٹ بورڈ ٹریبونل کی پہلی سماعت میں خالد لطیف نے ناسازی طبیعت کے باعث پیش ہونے سے انکار کردیا ،جس پر پی سی بی نے انہیں31مارچ کو دوبارہ طلب کرلیا ہے۔
پی سی بی ٹربیونل کی پہلی سماعت میں معطل کرکٹر خالد لطیف نے پیشی سے معذرت کرلی اور وجہ طبیعت کی ناسازی بتائی، ٹربیونل کی پہلی سماعت میں پیشی سے معذرت پر کئی سوالات جنم لے رہے ہیں ؟
کیا خالد لطیف کے وکلاء کی تیاری مکمل نہیں ؟کیا خالد لطیف پی سی بی کے ٹربیونل سے خوش نہیں ؟کیا خالد لطیف یہ جاننا چاہتے ہیں کہ شرجیل سے کیا کیا سوالات ہوئے تاکہ وہ مکمل تیاری کے ساتھ ٹربیونل کے سامنے پیش ہوں ؟
وجہ کچھ بھی ہو لیکن پی سی بی نےان کی درخواست منظور کرتے ہوئے انہیں 31مارچ کودوبارہ طلب کرلیا ہے۔