مِنی جیپ کی چھلانگ سے سب حیران

زندگی تو سب کو پیاری ہوتی ہے لیکن کچھ لوگوں کو اپنے شوق اس سے بھی زیادہ عزیز ہوتے ہیں جن کی تکمیل کے لیے وہ جان داؤ پر لگانے سے بھی نہیں گھبراتے۔

مِنی جیپ میں سوار منچلے ڈرائیور کا شمار بھی ایسے ہی افراد میں کیا جاسکتا ہے جس نے ریمپ کے ذریعے اونچی چھلانگ لگا کر سب کو حیران کر دیا۔

مذکورہ ڈرائیور نے تیز رفتاری کے ساتھ ریمپ پر جیپ چڑھائی تو وہ گھر کے اوپر سے گزرتی ہوئی دور رکھے باؤنسنگ کیسل پر جا گری۔

خطروں کے کھلاڑی کے اس کارنامے پر مبنی ویڈیو انٹرنیٹ پر ہزاروں افراد کی توجہ کا مرکز بنی ہوئی ہے۔