وزیراعظم کے مشیر امیر مقام نے خیبر پختونخوا حکومت پر قومی وسائل ذاتی کاموں کے لئے استعمال کرنے کا الزام لگاتے ہوئے کہا کہ صوبائی حکومت نے سرکاری ہیلی کاپٹر کو رکشا بنایا ہوا ہے۔
انہوں نے ایبٹ آباد میں کرکٹ ٹرائل روک کر گراؤنڈ میں وزیراعلیٰ کے ہیلی کاپٹر کے لئے ہیلی پیڈ بنانے کے عمل کو قابل مذمت قرار دیا۔
پشاور میں پریس کانفرنس سے خطاب میں امیر مقام نے کہا کہ تحریک انصاف کے ایم پی ایز بھی ذاتی کاموں کے لئے سرکاری ہیلی کاپٹر استعمال کر رہے ہیں۔وزیرتعلیم سکول کا معائنہ کرنے ہیلی کاپٹر لے کر لکی مروت چلے گئے۔عمران خان قومی امانت میں خیانت کا قوم کو جواب دیں۔
صوبائی حکومت نے سرکاری ہیلی کاپٹر کو رکشا بنایاہے۔ٹمبر کے کاروبار کے لئے بھی سرکاری ہیلی کاپٹر استعمال کیا جارہاہے۔
انہوں نے کہا کہ نیب میں سرکاری وسائل کے بے دریغ استعمال پر ریفرنس دائر کرنے کے لئے وکلاء سے مشاورت کی جارہی ہے۔
فرمان الہی
نماز کے اوقات
