پیپلزپارٹی کےشریک چیرمین آصف علی زرداری کاکہناہےکہ پاکستان اور افغانستان کا باہمی رضامندی سےسرحدپر باڑ لگانے کا فیصلہ سنجیدہ اقدام ہے،اس سے دہشت گردی اور عسکریت پسندی کے خاتمے اور قیامِ امن میں مدد ملے گی،اب یہ فیصلہ کسی طور تاخیر کی نظر نہیں ہونا چاہیے۔
لاہورسےجاری بیان میں سابق صدرنے پاک افغان سرحد پر باڑ لگانے کے فیصلے کو اہم قرار دیا اور کہا کہ بد قسمتی سے حالیہ دنوں میں دونوں ممالک کے درمیان تعلقات نازک موڑ پر پہنچ گئے ہیں۔
آصف زرداری کاکہناتھاکہ باہمی رضامندی سے کی جانے والی بارڈر مینجمنٹ میں پہلے ہی بہت دیر ہو چکی ہے، امید ہے،باڑ لگانے کے فیصلے کو خوش آمدید کہا جائے گااوروہ تمام قوتیں جو دہشت گردی اور بے جا الزام تراشی کا خاتمہ چاہتی ہیں وہ اس فیصلے خیر مقدم کریں گی۔
انہوں نےکہاکہ عدم اعتماد اور شکوک و شبہات کےخاتمے کے لیے مخلصانہ کوششیں کرنا ہوں گی۔