جڑواں شہروں میں ڈائریا کے مریضوںکی تعداد میں اضافہ

موسم گرما کے باقاعدہ آغاز سے قبل ہی جڑواں شہروں میں ڈائریا کے مرض میں مبتلا شہریوں کی تعداد بڑھنےلگی ایک ہفتہ میں ڈھائی ہزار سے زائد مریض پمز اسپتال پہنچے ہیں۔

اسلام آباد میں پمز اسپتال کے ترجمان ڈاکٹر وسیم خواجہ نے جیو نیوز سے بات کرتے ہوے بتایا کہ موسم کی تبدیلی کے ساتھ ہی شہریوں میں ڈائریا اور گیسٹرو کے امراض میں تیزی آگئی ہے۔

گزشتہ ایک ہفتہ میں ڈھائی ہزار سے زائد مریض پمز اسپتال میں معدہ سے متعلق مختلف امراض میں مبتلا ہو کر پہنچے۔ انہوں نے کہا شہریوں کو صاف پانی کے زیادہ استعمال کو ترجیح دیں اور غذا میں بھی احتیاط کریں۔