اقوام متحدہ نے متنبہ کیا ہے کہ قحط کے شکار صومالیہ میں ہیضہ کی وبا پھیل رہی ہے اور اس سے ملک میں خوراک کی شدید قلت پیدا ہونے کا خطرہ اب بہت ہی قریب ہے۔
عالمی ادارہ صحت کی رپورٹ کے مطابق رواں سال کے آغاز کے بعد ہیضہ کی بیماری سے21 ہزار افراد متاثر ہوئے، جن میں سے 533 ہلاک ہو گئے۔
ریڈ کراس نے بھی ایک رپورٹ میں کہا ہے کہ صرف گزشتہ چند دنوں میں صومالی لینڈ کے نیم خود مختار علاقے میں ہیضہ سے28 افراد ہلاک جبکہ دیگر 170 اسپتال میں داخل ہیں۔
اقوام متحدہ کا کہنا ہے کہ ہیضہ سے ہلاک ہونے والوں کی شرح اموات 2اعشاریہ3 فیصد ہے۔
اقوام متحدہ کی رپورٹ کے مطابق 62 لاکھ افراد جو صومالیہ کی آبادی کا نصف سے بھی زیادہ ہیں، انہیں فوری امداد کی ضرورت ہے، ان میں سے لگ بھگ29 لاکھ افراد شدید بھوک کا شکار ہیں ۔
فرمان الہی
نماز کے اوقات
