ڈنمارک؛ خطروں کے کھلاڑی کاانوکھا کارنامہ

یوں تو خطروں سے کھیلنے کا شوق بہت سے لوگوں کو ہوتا ہےلیکن ڈنمارک سے تعلق رکھنے والا ایک سرپھرا تو سب سے الگ ہے جس نے کائٹ بورڈنگ کا ایسا انداز اپنایا کہ گنیز ورلڈ ریکارڈ ہی قائم کر دیا۔

نک جیکب سن نامی کھلاڑی اپنی بہادری کا ثبوت پیش کرنے دبئی کے 321 میٹر بلند برج العرب پر پہنچااور 210میٹر پر موجود ہیلی پیڈ سے عربین گلف میں چھلانگ لگا دی۔

سیکڑوں میٹر بلندی سے ہوا کا سینہ چیرتے ہوئے یہ جانباز پیرا شوٹ کھول کر کامیابی سے سمندر میں اُترا اور کائٹ سرفنگ کرکے عالمی ریکارڈ قائم کر دیا ۔