پیپلز پارٹی کے سینیٹر سعید غنی نے کہا ہے کہ حکومت پر دباؤ ڈالنے کے لئے ضروری ہے پیپلزپارٹی اور پی ٹی آئی مل کر احتجاج کریں، عمران خان اگر پہلے والا رویہ رکھتے ہیں تو پھر اتحاد نہیں ہوسکتا۔
سعید غنی نے کہا کہ سپریم کورٹ کا فیصلہ تسلیم کرتے ہیں، جے آئی ٹی میں شامل ایک ادارے کو چھوڑ کر دیگر وزیراعظم کے ماتحت ہیں، انصاف کا تقاضہ ہے کہ وزیراعظم مستعفی ہوں اور جے آئی ٹی میں پیش ہوں۔
ان کا کہنا تھا کہ جے آئی ٹی کے بعد اگر معاملہ صاف ہو تو پھر آکر وزیراعظم بن جائیں ، وزیراعظم کی وجہ سے پاکستان بدنام نہیں ہوناچاہیے۔