جرمنی:فٹبال ٹیم کی بس پر حملہ، روسی باشندہ گرفتار

جرمن پولیس نے ڈورٹمنڈ بوروسیا فٹبال ٹیم کی بس پر حملے کے سلسلے میں ایک شخص کو حراست میں لے لیا ہے۔

مقامی میڈیا نے فیڈرل پراسیکیوٹر کے حوالے سے بتایا ہے کہ 28 سالہ ملزم کا نام سرگیئے ہے اور وہ روس کا باشندہ ہے، ملزم فٹبال کلب کے حصص کی قیمتوں میں کمی کرانا چاہتا تھا اور فٹبال کل کی بس پر حملے کے ذریعے اپنی سرمایہ کاری پر منافع کمانا چاہتا تھا۔
پولیس اس حوالے سے ملزم سے تفیش کررہی ہے۔