کینیا کی فوج نے کہا ہے کہ ایک تازہ کارروائی میں شدت پسند گروہ الشباب کے 52 جنگجوؤں کو ہلاک کر دیا گیا ہے۔
فوجی بیان کے مطابق یہ کارروائی ہمسایہ ملک صومالیہ میں تعینات افواج کی طرف سے علی الصبح کی گئی۔ اس عسکری کارروائی میں جنگجوؤں کے ایک ٹھکانے کو نشانہ بنایا گیا تھا۔
افریقی مشن کے تحت صومالیہ میں تعینات کینیا کی افواج نے بھاری توپ خانے کا استعمال بھی کیا۔ کینیا نے 2011 میں صومالیہ میں امن فوجی تعینات کیے تھے، جس کے جواب میں الشباب نے نیروبی حکومت کے خلاف کارروائی کی دھمکی بھی دی تھی۔